Հայը դարերով սիրով է պահել Յոթ թանկ սրբություն՝ Գիրքը, Մասիսը, շինարար ոգին, Հավատը, լեզուն. Սուրբ անուններ են եղել դարերով Հայ ընտանիքը, Եվ ամենից վեր, ամենից լուսե՝ Մայր հայրենիքը: Սուրեն Մուրադյան
Մեր դպրոցը հասակակիցն է Հայաստանի 3-րդ Հանրապետության: Այն ունի այնքան տարիք, որքան մեր երկրի անկախությունն է. Մեր դպրոցը 22 տարեկան է: Անկախության համար պայքարած զինվորների շարքում է եղել նաև մեր դպրոցի զինղեկ պարոն փոխգնդապետ Սևադա Ավագյանը Սևադա Ավագյանը: Նրա մարտական ուղին սկսվել է 1989 թվականից, երբ կազմավորվեցին ազգապահ, հետագայում երկրապահ ջոկատները: Հետաքրքիր ու դժվար է եղել նրա մարտական ուղին: Արցախն ազատագրող զինվորից փոխգնդապետի աստիճանի հասած Սևադա Ավագյանի կենդանի օրինակը բարձր է գնահատվում դպրոցի ռազմահայրենասիրական դաստիարակության գործում: Հայաստանի Հանրապետությունը և Արցախի Հանրապետությունը բարձր են գնահատել նրա կատարած անձնվեր աշխատանքը հայրենիքի նկատմամբ և այս տարիների ընթացքում պարգևատրել բազմաթիվ պետական պարգևներով. 1. ՀՀ արիության մեդալ 2. Լեռնային Ղարաբաղի Հանրապետության արիության մեդալ 3. ԼՂՀ մայրական երախտագիտության մեդալ 4. Ծովակալ Իսակովի մեդալ 5. Անբասիր ծառայության I և II աստիճանի մեդալներ 6. ՀՀ զինված ուժերի տասնամյակի կապակցությամբ մեդալ և այլ գերատեսչական պարգևներ
Պարգևատրվել է պատվոգրերով. 1. ՀՀ պաշտպանության նախարարի հատուկ գնդի 14-րդ տարելիցի և 19-րդ տարելիցի կապակցությամբ 2. ՀՀ զինված ուժերի կազմավորման տասնամյակի կապակցությամբ 3. Մատաղ սերնդի դաստիարակման գործում նշանակալի ավանդի համար:
Սիրելի՛ փոխգնդապետ, Ձեր կենդանի օրինակը, ամենօրյա դաստիարակություն է դպրոցի կոլեկտիվի, աշակերտների ռազմահայրենասիրական դաստիարակության գործում: Շնորհավոր տոնդ, սիրելի՛ պարոն փոխգնդապետ Սևադա Ավագյան: [/size]
