Այսօր իր շրջանավարտների ուրախությամբ թևածում էր ողջ դպրոցը, և վերջին զանգը, միաձուլվելով վալսի դյութիչ հնչյուններին երկինք էր տանում 9-րդ դասարանցիների (դասղեկներ՝ Ա. Սարգսյան, Գ. Գրիգորյան) երազանքները:
Այսօր «Գիտելիքների մոլորակի» բնակիչների՝ «Հնարամիտներ», «Գիտուններ», «Բանիմացներ», «Իմաստուններ» և «Խիզախներ» թիմերի (II 1 2 3 4 5 դաս., դասվարներ՝ Ս. Վարդանյան, Ն. Դանիելյան, Օ. Հարությունյան, Հ. Սահակյան, Ա. Ասատրյան) խաղ-միջոցառումը իմացության վառ ու գունագեղ տոն դարձավ դպրոցում:
Այսօր Հայաստանի պարալիմպիկ կոմիտեի առաջարկով մեր դպրոցում կրկին կայացավ «Դու կարող ես» խորագրով դաս-միջոցառումը (ուսուցիչ՝ Ռ. Սարգսյան)՝ Միջազգային Պարալիմպիկ կոմիտեի «Ագիտոս» հիմնադրամի կրթության զարգացման բաժնի համակարգող Քեթլին Մաջին և Հայաստանի պարալիմպիկ կոմիտեի գլխ. քարտուղար Ռուզաննա Սարգսյանին դպրոցներում պարալիմպիկ շարժման վերաբերյալ տեղեկատվության տարածելու ուղղությամբ կատարվող աշխատանքները ներկայացնելու նպատակով:
Դպրոցի բազմամասնագիտական թիմը «Մայրությունը հավերժական կոչում է» բաց-դասի ժամանակ երեխաների շուրթերով հնչեցրեց ծնողներին ուղղված կոչ-խնդրանք՝ միշտ լինել իրենց կողքին: Բաց-դասից հետո հոգեբան Ն. Նաջարյանը անցկացրեց սեմինար «Ագրեսիվ երեխաների հետ փոխգործությունը» վերնագրով և մանդալա-թերապիա ծնողների մասնակցությամբ:
Այսօր մեր դպրոցի հանդիսությունների դահլիճը թնդում էր աշխարհի ժողովուրդների պարերի ռիթմիկ, կրակոտ, հեզանազ հնչյուններից, որոնց միանում էին նաև հանդիսատեսների ծափողջույնները : Դպրոցում այդ տոնը ստեղծել էր «Ազգային երգ ու պար» առարկայի ուսուցչուհի Արմինե Մխոյանը (6-րդ դաս.-ներ, 5 4 դասարան):
«Երկու գարուններ» խորագիրը կրող միջոցառումը (4-րդ և 7-րդ դաս.-ի թվով 100 աշակերտներ, ուսուցիչներ` Ն. Պետրոսյան, Ա. Գալստյան, Ա. Մխոյան)՝ նվիրված Հայոց ցեղասպանության 102-րդ տարելիցին, եռագույնի ծածանումով և հայի՝ խաչին հավատարիմ խաղաղությամբ դահլիճը ողողեց երեխաների հուզառատ երգով ու պարով՝ բոլորին մտովի ուղեկցելով Արևմտյան Հայաստանի կարոտի ճամփաներով:
Զատկի խորհուրդը, Երևանի հ. 200 հիմնական դպրոցի դասարաններում (IX Բ, III 3, 4, 5, II 4) թևածելով, ծավալվեց՝ բոլորին հավաքելով ազգային կոլորիտով ձևավորված սրահում: Բնության արթնացման, Քրիստոսի հարության այս տոնը տեխնոլոգիայի ուսուցչուհի Օվսաննա Առաքելյանի ձեռքի հրաշալի աշխատանքների շնորհիվ առարկայացավ բազմաթիվ ցուցանմուշներում:
Երևանի հ. 200 հիմնական դպրոցի հանդիսությունների դահլիճը 07/07/2017թ.-ին բոցավառվել էր ծիրանագույն ծաղկունքի հրավառությամբ՝ անգլերենի ուսուցչուհի Կարինե Գրիգորյանի հոգու և մտքի նրբերանգներով վերաիմաստավորելով մայրության և գեղեցկության ապրիլյոթյան հանդիսությունը: Հայերեն և անգլերեն մաղթանքները, լատիներեն հնչող «Ավե Մարիան» բեմից և դահլիճից իրար միախառնված հուզմունքն ու սիրառատ հայացքները ոգի տվեցին այս տոնին:
Այս անգամ dasaran-ը հյուրընկալել էր մեր դպրոցի 7-րդ դասարանի աշակերտներին, որոնք շրջեցին Dasaran-ում, մասնակցեցին ինտելեկտուալ մրցույթին և, իհարկե, հարստացրերցին իրենց գիտելիքները :