Главная » 2015 » Май » 21 » «Ազգային երգ ու պար» առարկայի փորձնական ծրագրի ամփոփումը Երևանի հ. 200 հիմնական դպրոցում
13:22
«Ազգային երգ ու պար» առարկայի փորձնական ծրագրի ամփոփումը Երևանի հ. 200 հիմնական դպրոցում
<<Ազգային երգ ու պար>> առարկան 5-րդ դասարանում պետք է հիմք դնի մշակույթի միջոցով և մեր հազարամյա երաժշտական ավանդույթների փոխանցման շնորհիվ նոր սերնդի ազգային ինքնագիտակցության և գեղագիտական ճաշակի բարձրացման, մտավոր, հոգևոր զարգացմանն ու ազգային հոգեկերտվածքի հզորացմանը:Նախարարի հրամանով առարկան փորձնական ծրագրով ներդրվել է հանրապետության 13 դպրոցներում: Մայիսի 20-ին Երևանի հ. 200 հիմնական դպրոցում «Ազգային երգ ու պար» փորձնական ծրագրի ամփոփումն էր , որին մասնակցում էին Հայաստանի Հանրապետության կրթության և գիտության նախարար Արմեն Աշոտյանը,հանրակրթության վարչության պետ Նարինե Հովհաննիսյանը, Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, ծրագիրն իրականացնող դպրոցների տնօրեններ, մանկավարժներ , ծնողներ: Հանդիսությանը ներկա էր նաև Դավիթաշեն վարչական շրջանի ղեկավար Ռուսլան Բաղդասարյանը: Միջոցառման ընթացքում յուրաքանչյուր դպրոց հանդես եկավ մեկ պարի կատարումով. 1. Էջմիածին: Պարը շատ հին է: Առանձնանում է ինքնատիպությամբ և խորհրդավորությամբ /Երևանի թիվ 200 հիմնական դպրոց/: 2. Թամզարա: Ըստ Կոմիտասի՝ հարսանեկան երկպար է /Երևանի Ջոն Կիրակոսյանի անվան թիվ 20 դպրոց/: 3. Ծաղկաձորի : Հիմնականում պարել են ուխտատեղիներում ուխտագնացության ժամանակ /Աբովյան քաղաքի թիվ 2 հիմնական դպրոց/: 4. Գյովընդ վերվերի: Հնում այս պարին մասնակցում էին միանգամից մի քանի հարյուր մարդ /Երևանի թիվ 52 հիմնական դպրոց/: 5. Փափուրի /Երևանի թիվ 92 հիմնական դպրոց/: 6. Էջմիածին /Երևանի հ. 131 դպրոց/: 7. Կառնո քոչարի /Արմավիրի շրջանի հ. 5 հիմնական դպրոց/: 8. Թամզարա /Երևանի հ. 150 հիմնական դպրոց/: 9. Փափուրի /Երևանի թիվ 120 հիմնական դպրոց: 10. Լուտկի / Երևանի N 11 հիմնական դպրոց 11. Փափուրի /Երևանի Սիամանթոյի անվան թիվ 162 հիմնական դպրոց/: 12. Մշո խըռ /Շիրակի մարզ, Արևիկի միջնակարգ դպրոց/: 13. Քերծի: Ռազմական պար է /Երևանի թիվ 136 հիմնական դպրոց/:
Միջոցառման ավարտին բոլորին հրավիրեցին դպրոցի նախասրահ՝ հայապահպան, հայաշունչ միասնական շուրջպարի: