Главная » 2015 » Апрель » 22 » Միջդպրոցական սպորտլանդիա Կոտայքի մարզի Քասախ գյուղի թիվ 1 միջնակարգ դպրոցում
08:56
Միջդպրոցական սպորտլանդիա Կոտայքի մարզի Քասախ գյուղի թիվ 1 միջնակարգ դպրոցում
/08.04.2015թ./ Հ. 200 հիմնական դպրոցը համագործակցում է Կոտայքի մարզի Քասախ գյուղի թիվ 1 միջնակարգ դպրոցի հետ: Վերջերս մեր դպրոցի /հ.200 հիմնական դպրոց/ 8-րդ դասարանի աշակերտները հյուրընկալվեցին Քասախ գյուղի թիվ 1 միջնակարգ դպրոցում՝ մասնակցելու միջդպրոցական սպորտլանդիա միջոցառմանը: Միջոցառումը 90 րոպե տևողությամբ էր, յուրաքանչյուր դպրոցից 20 աշակերտ՝ 10 տղա և 10 աղջիկ: Դատավորները Քասախ դպրոցից՝ ֆիզկուլտուրայի ուսուցիչներ Մելիք Ղուկասյան, Ոսկան Մաղաքյան, հ. 200 հիմնական դպրոցից՝ Ռուզաննա Սարգսյան, Անուշ Գալստյան: Միջոցառումն անցավ հետաքրքիր, մրցունակ, աշակերտների ոգևորությամբ: Երկու դպրոցների թիմերն էլ ուժեղ էին: Առավել աչքի ընկան Քասախից Արգիշտի Մաղաքյանը, Նարինե Ալեքսանյանը, հ. 200 հիմնական դպրոցից Նելլի Ղահրամանյանը, Էրիկ Գրիգորյանը: Սպորտլանդիան անցավ բարեկամական մթնոլորտում և ավարտվեց ոչ-ոքի հաշվով, հաղթեց բարեկամությունը: Քասախի դպրոցի տնօրեն տիկին Գրետա Մկրտչյանը անակնկալ էր պատրաստել հ. 200 դպրոցի աշակերտների համար, նրանց պարգևատրել պատվոգրով: Միջդպրոցական միջոցառումները շարունակական են, մեր դպրոցը կհյուրընկալի բարեկամ դպրոցի 9-րդ դասարանի աշակերտներին «Վիկտորինա» ինտելեկտուալ խաղով: