Փետրվարի 19-ը՝ հայ մեծ բանաստեղծ Հովհաննես Թումանյանի ծննդյան օրը, արդեն մի քանի տարի Հայաստանում նշվում է որպես Գիրք նվիրելու օր։ Հայաստանում գիրք նվիրելու օրը ՀՀ կառավարության նախաձեռնությամբ և «Գրողների միության» նախագահ Լևոն Անանյանի որոշմամբ, նշվել է 2008 թվականից:Այս օրը տարբեր երկրներում կատարվում են բազմաթիվ միջոցառումներ` գրքեր են նվիրաբերվում գրադարաններին, որբանոցներին, դպրոցներին, որով էլ փորձելով վերականգնել գրքի երբեմնի նշանակությունը: Վաղուց ավանդույթ է դարձել մեր դպրոցում գիրք նվիրելու օրվա կապակցությամբ կազմակերպվող մեծ տոնախմբությունը: Բոլոր դասարանների աշակերտները ներկայացրեցին իրենց ընտրած թեմաներով ձևավորված սեղաններ, պաստառներ, ցուցանմուշներ: Ելույթ ունեցան շնորհալի աշակերտները:
2015 թ. նոյեմբերի 12-ին Հայաստանում արդեն հինգերորդ տարին պաշտոնապես անցկացվեց «Ռուսական արջուկ. լեզվաբանություն բոլորի համար» միջազգային մրցույթը՝ «Այբ» կրթական հիմնադրամի ջանքերով։ Իսկ այս տարի փետրվարի 16-ին «Այբ» դպրոցում տեղի ունեցավ «Ռուսական արջուկ»մրցույթի մրցանակաբաշխությունը: «Այբ» կրթական հիմնադրամը Երևանի հ. 200 հիմնական դպրոցին հանձնեց վկայական մրցույթի կազմակերպմանն աջակցելու և մասնակցության համար, դասարանի արժանացան դիպլոմների՝ մրցույթում լավագույն արդյունքներ ցուցաբերելու համար:
«Մեղու. հայերենը բոլորի համար» 2015 մրցույթն անցկացվել էր 2015թ. նոյեմբերի 5-ին: Իսկ այս տարվա փետրվարի 16-ին «Այբ» դպրոցում տեղի ունեցավ «Այբ» կրթական հիմնադրամի կողմից կազմակերպված «Մեղու» մրցույթի մրցանակաբաշխության արարողությունը։
Շնորհավորում ենք մեր աշակերտներին և մաղթում ուսումնական նորանոր հաջողություններ։