Главная » 2013 » Июнь » 19 » Եղիցի' հաղթանակ և հաղթակա'ն խաղաղություն. . . .
22:46
Եղիցի' հաղթանակ և հաղթակա'ն խաղաղություն. . . .
20-րդ դարը նշանավորվեց Արցախյան հուժկու շարժումով, որն ունեցավ Համազգային ընդգրկում, վերաժվեց Ազատամարտի և մեզ պարգևեց պատմական հաղթանակներ, տարածքների ազատագրում, հավատ սեփական ուժի հանդեպ: Հայոց բանակի կազմավորման 21-ամյակի շրջանակներում դպրոցում մեկ շաբաթվա ընթացքում կազմակերպվեցին բազմաբնույթ միջոցառումներ: Տոնական միջոցառման բացումը ազդարարվեց ռադիոհաղորդմամբ: Դասամիջոցներին հնչում էին երգեր նվիրված հայոց բանակին: Մեծ ոգևորությամբ երեխաները պատրաստվեցին և ներկայացան «Շարային պատրաստություն » վարժանքով: Դպրոցում 23.01.13թ. կայացավ միջոցառում (ԱԽ), որի ընթացքում աշակերտները դիտեցին ֆիլմ ` «Ես` ապրելու կոչվածս »: Հնչեցին երգեր, բանաստեղծություններ (ստեղծագործող աշակերտների) նվիրված բանակին: Դպրոցի զինղեկ փոխգնդապետ պրն. Ս.Ավագյանը մեկնաբանեց ֆիլմում ներկայացվող ռազմական գործողությունները, իր զինակից ընկեր-հերոսներին, պատմեց իր հուշերը: Միջոցառմանը մասնակցում էին նաև «Ես` ապրելու կոչվածս » ֆիլմի հերոսներից: «Ես` ապրելու կոչվածս ... Մովսես Գորգիսյան Թաթուլ Կրպեյան Մոնթե Մելքոնյան Վիտյա Այվազյան Ջիվան Աբրահամյան Յուրի Պողոսյան և էլի- էլի շատ անուններ...............» :
9-րդ դասարանի աշակերտուհի Մերի Ստեփանյանը ներկայացրեց իր գրած բանաստեղծությունը՝ նվիրված հայ մարտիկներին. Քա'ջ, անձնվե 'ր, հա'յ մարտիկներ, Դուք վե'հ, հպարտ զինվորներ. Սեգ սարեր, պահապաններ, Դուք իմ երկրի' հերոսներ:
Ձեր արյան մեջ այն արյան Կաթիլներն եմ նշմարում, Որ թափվեցին մեր սուրբ լեռան Արցունքացող այն դաշտում:
Հիմա դուք վե'հ ու կանգուն Մեր երկիրն եքպաշտպանում Ու Ձեր հոգու մեջ անհուն Հայրենյաց լույսն է վառվում :
